شتر مرغ ۔ ایک گھنٹے میں پچاس میل تک سفر کرنے والا پرندہ

شتر مرغ پرندوں میں سب سے بڑا پرندہ ہے۔ اس کا انڈا سب سے بڑا یعنی ڈیڑھ کلو گرام کا ہوتا ہے۔ اس کی آنکھیں بھی دوسرے جانوروں کے مقابلے میں بہت بڑی ہوتی ہیںاور ان کا قطر 50 ملی میٹر تک ہوتا ہے۔ شتر مرغ کے متعلق عجیب و غریب قسم کی باتیں مشہور ہیں مثلاً اس کے بارے میں کہا جاتا ہے کہ خطرے کے وقت یہ جانور اپنا منہ ریت میں چھپا لیتا ہے، گویا اس طرح خود کو خطرے سے محفوظ کر لیتا ہے۔ حالانکہ یہ بات صحیح نہیں ہے۔ حقیقت یہ ہے کہ خطرہ محسوس کر کے شتر مرغ اپنی گردن نیچے جھکا لیتے ہیں اور محتاط انداز سے اردگرد کا جائزہ لیتے رہتے ہیں اور جوں ہی خطرے کو اپنے قریب دیکھتے ہیں تو یہ بھی دوسرے جانوروں کی طرح عمل کرتے ہیں یعنی تیزی سے بھاگنے لگتے ہیں۔ بھاگتے بھاگتے جب تھک جاتے ہیں یا انہیں اپنے گھونسلے اور بچوں کا دفاع کرنا ہوتا ہے تو یہ اپنی طاقتور ٹا نگوں سے دشمن پر حملہ آور ہو جاتا ہے۔

Continue reading “شتر مرغ ۔ ایک گھنٹے میں پچاس میل تک سفر کرنے والا پرندہ”

چینی کے بارے میں معلومات

چینی کو عرف عام میں شکر یا شوگر بھی کہا جاتا ہے۔ ہماری روز مرہ استعمال ہونے والی اشیاء میں سے ایک ہے۔ قدیم یونانی اقوام جن کے ہاں کھانے پینے کی ہر چیز کا نام ملتا ہے، ان کے ہاں چینی کا ذکر تک نہیں ہے۔ لیکن اس کا مطلب یہ نہیں کہ وہ چینی کے استعمال سے ناواقف تھے۔ ان کی روز مرہ خوراک میں چینی کا قابل ذکر حصہ شامل ہوا کرتا تھا۔ مسلمانوں کے یورپ پر حملے کے بعد سے یورپ گنے کی فصل سے آشناء ہوا اور آج وہاں سے چینی برآمد ہو رہی ہے۔

Continue reading “چینی کے بارے میں معلومات”

نمک کی ہماری زندگی میں اہمیت

نمک سونے سے زیادہ قیمتی ہوتا ہے۔ آپ سونے کے بغیر زندہ رہ سکتے ہیں مگر نمک کے بغیر نہیں۔ ماضی میں تو زندگی دارومدار ہی نمک پر تھا۔ اس کے لیے جنگیں بھی لڑی گئیں۔ اسے لانے لیجانے کے لیے طویل سڑکیں بنائی گئیں۔ وجہ یہ ہے کہ نمک انسانوں اور جانوروں کی زندگی کے لیے ضروری ہے۔ عضلات کو مضبوط رکھنے کے لیے نمک ضروری ہے۔ یہ پروٹین کو ہضم کرنے میں مدد دیتا ہے۔

Continue reading “نمک کی ہماری زندگی میں اہمیت”

مٹر کے بارے میں مفید معلومات

مٹر بنیادی طور پر جنوبی یورپ کا مقامی پودا ہے مگر اب دنیا بھر میں کاشت کیا جاتا ہے۔ مٹر کی پھلیوں سے حاصل ہونے والا بیج بطور سبزی استعمال ہوتا ہے۔ مٹر ٹھنڈے موسم کی سبزی ہے۔ یہ پھلی دار پودا ہوتا ہے۔ جس میں سبز، جامنی یا ہلکے سنہری رنگ کے بیج ہوتے ہیں۔ مٹر کے دانوں کو طرح طرح کے پکوان کی تیاری میں استعمال کیا جاتا ہے۔

Continue reading “مٹر کے بارے میں مفید معلومات”